Mellom himmel & hav VII: Uvissas tilstand
Frå 26. august til 8. september 2025 inviterer Performance Art Bergen og Longva Kunstnarresidens og til den 7. utgåva av Mellom himmel & hav, eit internasjonalt performanceinitiativ som finn stad kvart tredje år på ulike norske øyar. Festivalen feirar i år 20 år. Mellom himmel & hav VII: Uvissas tilstand er eit fleirsidig prosjekt som legg til rette for kunstproduksjon, samtaler, seminar, omvisningar og offentlege arrangement. 7 internasjonale kunstnarar er invitert til å utvikle nye performative arbeid inspirert og informert av diskusjonar med faglege inviterte gjestar som del av arbeidsopphaldet på Skuløy/Flemsøy i Møre og Romsdal. Les meir om dei inviterte kunstnarane her.
Laurdag 6. september får 14:00 ynsker vi velkomen til ein open dag med performance og syninger med dei internasjonale kunstnarane i området rundt det store, raude naustet i Longva hamn på Skuløy/Flemsøy. Hendinga fin stad utendørs så kle deg etter været! Me rundar av performance programmet med ein fellesmiddag for kunstnarar og publikum på Longva kunstnarresidens. Påmelding til middagen kjem.
Uvissas tilstand utforskar om det er særskilde deler av materien; einskilde plassar som verkar inn på oss gjennom det vi sansar. La oss nemne desse plassane «privilegerte punkt». Om dette stemmer, kva for implikasjonar kan slike «privilegerte punkt» i landskapet ha for utviklinga av sosiale fellesskap? Kan vi sjå føre oss at slike kollektive opplevingar, -i ein utforskande prosess med kunstnargruppa eller i lag med publikum, kan opne opp nye måtar å sjå samfunna våre, frå det lokale til det planetariske?
For prosjektet er dette grunnspørsmål i tida vår. Det er også spørsmål knytta til den lokale plassen på Nordøyane/Skuløya, Longva kunstnarresidens, og den allereida starta framtida for utviklinga av kunstnarvirke på Nordøyane; som verd i seg sjølv, som verksemd med ringverknadar i nærmiljø og som eit ledd i eit større nettverk av liknande (rurale) stadar i Norden.
Mellom himmel & hav VII: Uvissas tilstand er eit samarbeid mellom Longva kunstnarresidens og Performance Art Bergen.
Longva AIR er ein internasjonal kunstarena under utvikling for profesjonelle kunstnarar, skribentar og andre med band til samtidskunstfeltet. Hovudmålet er å styrkje den profesjonelle infrastrukturen for kunst i regionen. Lokalisert på Skuløy/Flemsøy, ei av Nordøyane som ligg ytst mot havet 24 km mil frå Ålesund.
Deltakarane i prosjektet / The participants in the project:
KUNSTNARAR / ARTISTS:
Signe Lidén (NO)
Bent Erik Myrvoll (NO)
Marita Isobel Solberg (NO)
Elin Sundström (SE)
Kamilė Pikelytė (LT)
Ian Nesbitt (UK)
Anne-Marte Eidseth Rygh (NO)
FOREDRAGSHALDARAR / LECTURERS:
Trond Lødøen, arkeolog I archeologist, Universitetet i Bergen (NO)
Harald Dyrkorn, samfunnsvitar I social scientist (NO)
Michelle Teran, kunstnar/forskar I artist/researcher (CA/DE)
Sissel Lillebostad, vitne I witness (NO)
ARRANGØRAR / ORGANIZERS:
Terese Longva
Rita Marhaug
Sabine Popp
Longva kunstnarresidens / Longva AiR
Performance Art Bergen
FOTOGRAFAR / PHOTOGRAPHER:
Nayara Leite (BR/NO)
Mateo Christensen (NO)
INFORMASJONSARBEIDAR / PR:
Marit Tunestveit Dyre (NO)
Henrik Koppen (NO)
KOORDINATOR / COORDINATOR:
Lillian Bjørdal (NO)
KOORDINATOR MAT / COORDINATOR FOOD:
Malene Pedersen (DK)
For meir informasjon / For more information:
@longva_air @performanceartbergen
Foto/Photo: Margarida Paiva
Arrangementet er i år støtta av / This years event is supported by: Norsk kulturfond/Arts and Culture Norway, Billedkunstnernes Vederlagsfond/Norwegian Visual Artists Fund, Møre og Romsdal Fylkeskommune / Møre and Romsdal county council, Nordisk kulturkontakt Nordic Culture Point
_______________________________________